"Fransız tətilləri" İncəsənət Muzeyində

There are no translations available.

Cari ilin əvvəlində Milli İncəsənət Muzeyi tolerantlıq mədəniyyəti və multikultural dəyərlərin qorunması və təbliği məqsədilə “Muzeylər mədəniyyətlər arasında körpüdür” layihəsinə start verib.

Layihənin ikinci buraxılışı olan “Fransız tətilləri” proqramı tamaşaçılar tərəfindən xoş təssüratla qarşılanıb.

Proqramın açılışında uşaqlar üçün dostluq və xeyirxahlıqdan bəsh edən “Bənövşə” adlı kölgə  teatr tamaşası təqdim olunub.  Alaqaranlıq otaqda közərən lampalarla işıqlanan səhnə və fiqurlarıın hərəkəti ilə canlanan tamaşa yaşından asılı olmayaraq bütün uşaqları sehrli aləmə qərq etdi.

Tamaşanın ardından uşaqlar valideynlərin müşayiəti ilə ustad dərslərinə qoşuldular. Şüşə üzərində rəngarəng boyalarla  işığın, kamilliyin, qələbənin rəmzi olan və fransız krallarının gücünü təccəssüm etdirən “flör de lis”- zanbaq gülünün təsviri yaradıldı.  Uşaqlar rəngli makaronlardan Parisin ən tanınmış memarlıq abidəsi - Eyfel qülləsinin kiçik surətini düzəltdilər.

Diqqətimizdən kənar qalmayan valideynlər üçün Fransa və Azərbaycan mədəniyyəti arasında körpü yaradan Toğrul Nərimanbəyov yaradıcılığına həsr olunmuş “Paris xatirələri” adlı mühazirə təqdim olundu. İzləyicilər bir neçə dədiqəlik olsa da öz qayğılarını unudaraq ecazkar Paris turuna qoşuldular. Mühazirədə rəssamın keşməkeşli həyatı və əzimkar yaradıcılıq yolu, fərdi yaradıcılıq üslubu da vurğulandı.

O cümlədən, valideynlər üçün Fransız ballarında kübar  xanımların gizli silahına çevrilən “yelpik dili” jestlərinin prezintasiyası oldu.

Gün ərizində  balaca qonaqlarımız bərpaçı-rəssam Samir Talıbovla birgə Paris eskizlərini yaratdılar.

Xatırladaq ki, cari ilin fevral ayında Milli İncəsənət Muzeyində layihənin ilk buraxılışı qışın sona yetməsinin və yazın gəlişinin rəmzi olan qədim slavyan bayramı – Maslenitsaya həsr olunmuşdur.

 

   

İncəsənət Muzeyində Tvininq layihəsinin növbəti treyninq sessiyası baş tutub

There are no translations available.

17-21 iyul tarixlərində Mədəniyyət və Turizm Nazirliyinin Avropa İttifaqı ilə birgə icra etdiyi “Mədəniyyət sektorunun siyasəti və idarə olunması sisteminin modernləşdirilməsində Azərbaycan Respublikasının Mədəniyyət və Turizm Nazirliyinə dəstək” adlı  Tvininq layihəsinin “Sosial-iqtisadi inkişafda mədəni irsin rolu; Fandreyzinq” adı altında treyninq sessiyası baş tutmuşdur.

Bu treyninq sessiyasında qeyri-kommersiya təşkilalarının maliyyə vəsiatinin cəlb olunmasında Fandreyzinq rolu və tətbiqi, donorla münasibətlərin qurulması üsulları, təşkilatları donorlar üçün cəlbedici edən amillər, donorlara təqdim olunan layihənin dəyərini əsaslandıran inandırıcı arqumentinin irəli sürülməsi və s. mövzular müzakirələr aparıldı.

4 günlük seminar çərçivəsində “İqrisadi nəzəriyyəsi, mədəni irsin tərifi”, “Mədəni irs ərazisi və iqtisadi nkişaf arasında əlaqə”, “Mədəni irs sektoruna əlavə maliyyə vəsaitlərinin cəlb olunmasında aparıcı beynəlxalq təşkilatlar” və  “Tərəfdaş axtarışı və Avropa İttifaqının maliyyə imkanlarına dair məlumatların əldə olunması”  başlıqlı seminarlar ətrafında çıxışlar oldu.

Layihənin məqsədi Azərbaycan muzeylərini periferik mədəniyyət sektorundan ölkənin mədəni və iqtisadi həyatında müstəqil iştirakçıya çevirərək ölkənin sosial vəziyyətini inkişafına və turist potensialının möhkəmlənməsinə dəstək olmaqdır.

Qeyd edək ki, cari il boyunca artıq Tvininq layihəsi çərçivəsində 5 treyninq sessiyası keçirilmişdir. 100-dən artıq mədəniyyət işçisinin iştirak etdiyi layihədə mütəxəssislərin peşəkarlıq səviyyəsinin artırılmasına yönədilmiş təlimlər keçirlmişdir.

Bu layihənin uğurla həyata keçirilməsi mədəniyyət sahəsinin idarə edilməsində və mədəni irsin qorunmasında Azərbaycanın dünyanın ən qabaqcıl təcrübəsinə yiyələnməsinə kömək edəcəkdir.

   

Ölkəmiz Estoniyada beynəlxalq konfransda təmsil olunub

There are no translations available.

İyul 11-də Estoniyanın Tartu şəhərində Avropa Komisiyyası və Estoniya Muzeyinin moderatorluğu və Avropa İrs Günlərinin birgə əməkdaşlığı ilə “Mədəniyyət İrsi 3.0: Rəqəmsal erada auditoriya və keçid imkanı” adı altında beynəlxalq konfrans öz işinə başlayıb.

3 gün davam edən konfransda beynəlxalq irsin qorunub saxlanılması və rəqəmsal texnologiyaların tərəqqisi sahəsində müzakizələr aparılıb.

Konfransın açılış mərasimi 12 iyul tarixində Estoniya Milli Muzeyində baş tutub. Giriş sözü ilə tədbiri açıq elan edən Estoniya Respublikasının Mədəniyyət naziri İdrak Saar texnologiyanın həyatımızda mühüm əhəmiyyət kəsb etdiyini, gündəlik həyatımızın ayrılmaz bir hissəsi olduğunu bildirərək mədəniyyət sahəsində müasir texnologiya və rəqəmsal daşıyıcılardan yararlanmağın vacibliyini vurğuladı. Həmçinin, nazir öz çıxışında qeyd etdi ki, tarix unudulur və yenidən təkrarlanır. Məhz bu səbəbdən də mədəni irsimizi unutmamalıyıq. Cənab Saar konfransda səsləndirilən fikirlərin gələcəkdə mədəni irsin qorunması və rəqəmsallaşdırılması istiqamətində istifadə ediləcəyindən əmin olduğunu bildirdi. Avropa Komisiyyasının Təhsil və Mədəniyyət üzrə baş direktor müavini Cens Numand Kristensen çıxışında konfransın 3 vacib məqamına toxundu. İlk olaraq belə bir fikir səsləndirdi ki, mədəniyyət yalnız kiçik elit qruplarla məhdudlaşdırılmamalı, ümumi ictimaiyyət üçün açıq olmalıdır. Daha sonra isə yaradıcı insanlarda rəqəmsal dünyaya olan marağın çoxaldılmasının zəruriliyindən danışdı. Belə ki, müəllif hüquqları pozulmadan hər bir yaradıcı şəxs öz əsərini elektronlaşdırmalı və böyük kütlə üçün əlçatan etməlidir. Müasir dövrdə incəsənət əsərini görmək üçün artıq uzaq məsafələr qət etməyə ehtiyac yoxdur. Sadəcə monitorun qarşısında oturaraq istənilən sənət əsərinin izlənilməsi mümkündür. Həmçinin mədəni irsin nəsildən-nəsilə ötürülməsi prinsipi də Cens Krestensen tərəfindən irəli sürüldü. Muzey və arxivlərin ictiamiyyət üçün əlçatılan edilməsi məqsədilə mədəniyyət sahəsində hüquqi istahatlar həyata keçərilməli, mədəni irs rəqəmsallaşdırılmalıdır.  “Mədəni İrs: İctimaiyyət və rəqəmsal dövrə keçid” konfransında dünyanın müxtəlif dövlətlərindən mədəniyyət nümayədələri iştirak edir. Azərbaycan Milli İncəsənət Muzeyinin direktor müavini Qəmər Məlikova müharibədə itirilən rəqəmsallaşdırılmamış mədəni irsin gələcək nəsillərə necə ötürülə bilinməsi ilə bağlı konfrans nümayəndələrinə sual ünvanladı. Milan Universitetinin professoru, konfransın hed layneri Pyer Sakko bu məsələnin fundamental olduğunu və bir mənalı cavablandırılmasının mümkünsüzlüyünü qeyd edərək, sənət abidəsinin müasirləri tərəfindən sözlə təsvir edilərək fiziki də olmasa, maketini bərpa edib gələcək nəsillərə ötürmək imkanını təklif etdi. Abidələr və Tarixi Yerlər üzrə Beynəlxalq Şurasının (İCOMOS) baş katibi Benedikt Selfslaq əlavə olaraq bildirdi ki, bu məsələdə cəmiyyətin və ekspertlərin üzərinə böyük məsuliyyət düşür. Müharibə və dövlətlərarası münaqişələrə baxmayaraq, millətlər mədəni irsin qorunub saxlanılmasında və gələcək nəsillərə ötürülməsində bir-birinə dəstək olmağın zəruriliyini bildirdi.

İlk gündə həmçinin, muzeylərə, kitabxana və arxivlərə tamaşaçı marağının azalması mövzusunda müzakirə aparılıb. Belə ki, müasir metodlardan istifadə etməklə əyləncəli formatda tədbirlər və layihələr hazırlayaraq izləyicilərin diqqətini qazanmağın zəruriliyi vurğulandı. Digər önəmli problem isə maliyyə məsələsinin həllidir. İstənilən müəssisənin daimi gəlir yerinə ehtiyacı var, təhsil və mədəniyyət ocaqlarına qrantlar ayrılsa da, müvəqqəti olduğundan uzunmüddətli gəlir yerinin tapılması olduqca önəmli məqamdır. Bu problem və həmçinin tamaşaçıların mədəniyyət müəssilərinə cəlb olunmasında innovativ fikirlər və proyektlərin mühüm rol oynaması da müzakirə olundu.

12-13 iyul tarixlərində keçirilən konfransın sessiyaları “Yerli mədəni irsin inkişafı”, “Rəqəmsal dövrdə ictimaiyyətin inkişafı”, “Mədəni irs sosial birlik və iqtisadi inkişafı sürətləndirən vasitə kimi” və “Mədəni irs-innovasiyaya çağırış: mədəni irs müəssisələriin sahibkarlıq və innovasiya potensialını necə inkişaf etdirmək” məsələlərinə həsr olunub.

Konfransın yekunu olaraq bağlanış mərasimində sessiya və seminarların nəticələri səsləndirilib.


   

Tbilisidə Ömər Eldarov və Merab Merabişvilinin əsərlərinin fotosərgisi açılıb

There are no translations available.

2017-ci ilin iyunun 16-da Tbilisidə Simon Canaşiya adına Gürcüstanın Milli Muzeyində qeyri-adi formatda Azərbaycan və Gürcüstanın heykəltaraş-patriarxları Ömər Eldarov və Merab Merabişvilinin əsərlərinin fotoşəkillərindən ibarət "Dostluq" sərginin açılışı oldu.

Ustad heykəltəraşların yaratdıqları əsərlərin fotoları tamaşaçıya miqyasına görə təqdimetmə üslubunu özləri diktə etdilər. Ekspozisiyanın bu cür maraqlı tərtibatı Gürcüstan Mədəni Birliyi, Gürcüstan Milli Muzeyi və Azərbaycan Mili İncəsənət Muzeyinin dəstəyi ilə “XXI Mədəni Dialoq” Assosiasiyası tərəfindən həyata keçirilmişdir. Təşkilatçılar iki Zaqafqaziya dövlətinin mədəniyyət və incəsənətinin nə dərəcədə yaxın olduğunu təcəssüm etdirməyi qarşısına məqsəd qoymuşdular.

Foto sərginin açılış mərasimində çıxış edən Gürcüstan Milli Muzeyinin baş direktoru, Gürcüstan Elmlər Akademiyasının müxbir üzvü David Lordkipanidze və Azərbaycan Milli İncəsənət Muzeyinin direktoru, Azərbaycanın Əməkdar incəsənət xadimi, professor Çingiz Fərzəliyev vurğulayıblar ki, bu kimi tədbirlər iki qonşu dövlətin sıx dostluq əlaqələrini möhkəmləndirməklə yanaşı, özündə heç bir sərhəd tanımayan mədəniyyətlərarası dialoqun universal dili kimi də xüsusi ismarıc daşıyır. Yaradıcı insanlar daima sistemdən kənarda qalırlar. Onlar üçün Gözəllik və Bədii ideya yeganə meyardır. Əsərləri xeyli sayda dövlət mükafatı ilə təltif olunmuş beynəlxalq nüfuzlü heykəltaraşlar - Ömər Eldarov və Merab Merabişvili buna parlaq nümunədir.

Hər iki heykəltəraş öz yaradıcılıqları ilə nəinki Ustad, həmçinin Patriarx və Patriot adına layiqdirlər. Onlar daima milli incəsənəti: Ömər Eldarov – Azərbaycanı, Merab Merabişvil i- Gürcüstanı təbliğ etmişlər.

Tbilisdə keçirilən bu sərgi 29 iyun tarixinədək davam edəcək, daha sonra ekspozisiya Azərbaycan Milli incəsənət Muzeyində nümayiş olunacaq.

   

Page 1 of 37