Faşizm üzərində Qələbənin qazanılmasının 70 illiyi münasibətilə görkəmli rus rəssamı Aleksandr Xarşakın fərdi yaradıcılıq sərgisi

Azərbaycan Respublikası Mədəniyyət və Turizm Nazirliyi və Azərbaycan Milli İncəsənət Muzeyinin birgə təşəbbüsü  ilə 5 may 2015-ci il tarixində Faşizm üzərində Qələbənin qazanılmasının 70 illiyi münasibətilə görkəmli rus rəssamı, Leninqrad şəhəri uğrunda gedən döyüşlərin iştirakçısı Aleksandr Xarşakın fərdi yaradıcılıq sərgisi keçirilir. Sərgidə rəssamın müharibə mövzusuna həsr etdiyi 30 əsəri nümayiş olunur. “1941-ci il. Cəbhəyə”, “Düşərgənin sonu”, “Şəhər-Qala”, “Leninqradlılar”, “Kəşfiyyata”, “Yırtıcının sonu”, “Atəş”, “Berlinə”, “Qayıdış” kimi əsərləri bu qəbildəndir. Sərgi 5 may 2015-ci il tarixində, saat  17.00-da Azərbaycan Milli İncəsənət Muzeyinin Niyazi 11/13 ünvanında keçiriləcək.

Foto: Ələkbər Ağasiyev

   

Azərbaycan Milli İncəsənət Muzeyində Beynəlxalq muzey treyninqi başladı

Azərbaycanda fəaliyyət göstərən British Council 20 ildən artıq fəaliyyəti dövründə bir çox sahələrdə layihələr həyata keçirir. İncəsənət sahəsi də əsas sektorlardan biridir. Muzey sahəsində layihənin fəaliyyət planına əsasən muzey mütəxəssisləri üçün cari ilin 22-23 aprel tarixlərində Milli İncəsənət Muzeyində ilk təlimlər keçirilməsi planlaşdırılıb. Böyük Britaniyadan dəvət olunmuş mütəxəssislərin iştirakı ilə keçiriləcək “Muzey menecmenti” layihəsi mədəni irsimizin qorunması sahəsində öz töhfəsini verəcəkdir. Treyninqində British Council-in Avropa Regionu üzrə direktoru cənab Maykl Börd, Böyük Britaniynın Azərbaycandakı səfirinin müavini cənab Stefen MakKormik, Mədəniyyət və Turizm Nazirinin müavini Sevda xanım Məmmədəliyeva, Muzey işi sektorunun müdiri xanım Azadə xanım Hüseynova, Azərbaycan Milli İncəsənət Muzeyinin direktoru cənab Çingiz Fərzəliyev iştirak edirlər.

Foto: Ələkbər Ağasiyev

   

Tamara Kvisitadzenin fərdi sərgisi

17 aprel 2015-ci il tarixində Azərbaycan Milli İncəsənət Muzeyində gürcü rəssamı Tamara Kvisitadzenin fərdi sərgisi açılmışdır. Azərbaycan Respublikası Mədəniyyət və Turizm Nazirliyi, Muzey Mərkəzi və Azərbaycan Milli İncəsənət Muzeyinin birgə təşkilatçılığı ilə keçirilən sərgi “KUKLA” Art Qalereyasının açılmasının iki illiyinə həsr edilib. Sərgi aprelin 30-dək davam edəcək.

Foto: Ələkbər Ağasiyev

   

"Metamorfoz"

18 aprel tarixində Azərbaycan Milli İncəsənət Muzeyində dizayner Mənzər Hacıyeva ilə rəssam Nərminə Vəliyevanın "Metamorfoz" adlanan birgə layihəsinin təqdimatı keçirildi.

Foto: Ələkbər Ağasiyev

   

Səhifə 10 > 30-dəan