Sərgilər

Sirus Mirzəzadənin anadan olmasının 70 illiyinə həsr olunmuş fərdi yaradıcılıq sərgisi

Azərbaycan Respublikası Mədəniyyət və Turizm Nazirliyi, Azərbaycan Milli İncəsənət Muzeyi, Azərbaycan Rəssamlar İttifaqının birgə təşəbbüsü ilə Azərbaycanın əməkdar rəssamı Sirus Mirzəzadənin anadan olmasının 70 illiyinə həsr olunmuş fərdi yaradıcılıq sərgisi keçiriləcəkdir.

Sirus Mirzəzadə 1966-ci ildə Ə. Əzimzadə adına Azərbaycan Dövlət Rəssamlıq Məktəbini, 1972-ci ildə isə Moskva Ali Rəssamlıq Məktəbini bitirmişdir.Geniş yaradıcılıq diapozonuna malik rəssamın müxtəlif janrlarda çəkdiyi əsərlər respublika və keçmiş Sovetlər İttifaqı ilə yanaşı 1987-ci ildən başlayaraq Polşa, Fransa, Türkiyə, Almaniya, Hollandiya, Norveç, Kuba, Rumıniya, Böyük Britaniya, Macaristan, Suriya, BƏƏ,ABŞ və İtaliyanın bir çox muzey və qalereyalarında nümayiş edilib.

O,1996-ci ildə  “Humay”  mükafatına layiq görülmüşdür.

Sərgidə rəssamın 150-yə yaxın boyakarlıq və qrafik  əsərləri nümayiş olunacaqdır.

Sərginin  açılışı 9 dekabr 2014-cü il tarixində saat 17.00-da  Azərbaycan Milli İncəsənət Muzeyinin Niyazi 11 ünvanında keçiriləcəkdir.

 
 

“İsti və Soyuq”

Azərbaycan Milli İncəsənət Muzeyində Mərkəzi Avropa Beynəlxalq Mədəniyyət Siyasəti Platforması, Çex Respublikasının sədrliyi ilə Avstriya, Çex, Macarıstan, Polşa və Slovakiya Respublikasının platformasındakı aktiv üzvləri “İsti və Soyuq” adı altında geniş kütlə üçün dizayner layihəsini nümayiş etdirir. Platformanın əsas məqsədi iştirakçı ölkələr:Mərkəzi Avropa, Avropa Şurası ilə yanaşı, eyni zamanda onun sərhədləri kənarında informasiya və mədəni həyat məlumatlarını yaymaqdır. Bu məqsədlə platformanın əsası qoyulandan Avropa İttifaqı Soveti sədrlərinin paytaxlarında keçirilən iki əsas illik yığıncaqlarda 50-ə yaxın layihə qəbul olunmuşdur.

Keçirilən sərginin məqsədi Avropa İttifaqı hüdudlarından kənarda Mərkəzi Avropanın ümummədəni xüsusiyyətlərini göstərmək, ictimaiyyətin müxtəlif mədəni layihələrini təqdim etməkdir. Sərgidə Avropada ənənəvi şüşə və çini istehasalı satışı ilə məşğul olan 5 ölkənin içki üçün şüşə və çini qabları nümayiş olunur. Eyni zamanda tanınmış iri istehsalçılarla yanaşı, müasir şüşə və çini məhsullarının istehsalının geniş imkanlarını göstərmək üçün, dizanyner studiyalarının işləri də sərgilənir.

Foto: Ələkbər Ağasiyev

 
 

Hot & Cold / İsti və Soyuq

 
 

“Sevgi ilə Gürcüstandan”

18 noyabr 2014-cü il tarixində Azərbaycan Milli İncəsənət Muzeyində Azərbaycan Respublikası Mədəniyyət və Turizm Nazirliyi, Gürcüstan Mədəniyyət və Abidələri Mühafizə Nazirliyi, Azərbaycan Dövlət Neft Şirkəti, Gürcüstan Rəssamlarının Beynəlxalq Yaradıcılıq Birliyi, Azərbaycan Milli İncəsənət Muzeyi və Tbilisidə M.F.Axundov adına Azərbaycan Mədəniyyəti Muzeyinin birgə təşəbbüsü ilə “Sevgi ilə Gürcüstandan” adlı sərgi keçirilib.

Sərginin açılış mərasimində Azərbaycan Respublikasının Mədəniyyət və Turizm Naziri Əbülfəs Qarayev, Gürcüstanın Mədəniyyət və Abidələri Mühafizə Naziri Mixael Qiorqadze, Azərbaycan Milli İncəsənət Muzeyinin direktoru Çingiz Fərzəliyev, Gürcüstan Milli Muzeyinin direktoru David Lordkipanidze çıxış edərək Azərbaycan-Gürcüstan mədəni münasibətlərinin əhəmiyyətindən söz açıblar və bildiriblər ki, sərginin keçirilməsi Gürcüstan və Azərbaycan arasında mədəni əlaqələrin inkişafı baxımından vacib addımdır.

Açılış mərasimindən sonra  Gürcüstan Milli Muzeyinin direktoru cənab David Lortkipanidze  və Azərbaycan Milli İncəsənət Muzeyinin direktoru cənab Çingiz Fərzəliyev  arasında əməkdaşlıq əlaqələrinin daha da genişləndirilməsi məqsədilə ikitərəfli müqavilə imzalandı.

Tədbirdə həmçinin, Gürcüstandan gələn bir sıra dövlət və mədəniyyət xadimləri, əsərləri sərgilənən gürcü rəssamları, Azərbaycanın görkəmli incəsənət nümayəndələri iştirak etmişdir.

Foto: Ələkbər Ağasiyev

 
 

Səhifə 8 > 19-dəan