Tədbirlər

CODART

Azərbaycan Milli İncəsənət Muzeyinin dəvəti ilə 14 dekabr 2014-cü il tarixində CODART - holland və flamand incəsənəti kuratorlarının beynəlxalq təşkilatının rəhbəri Alie Gotrter və Jan Hesselingi Bakıda işgüzar səfərdə olmuşlar. Səfər çərçivəsində onlar Azərbaycan Respublikası Mədəniyyət və Turizm nazirinin müavini Sevda Məmmədəliyevanın qəbulunda olmuşlar. Onlar eyni zamanda Azərbaycan Dövlət Xalça Muzeyi, Qız Qalası, İçəri şəhər və Elmi Bərpa mərkəzinə tanışlıq məsəqdilə səfərləər etmişlər. Azərbaycan Milli İncəsənət Muzeyində keçirilən görüşdə muzeyin direktoru cənab Çingiz Fərzəliyev və əməkdaşları iştirak etmişlər. Qonaqlar- Alie Gotrter və Jan Hesselingi muzeyin kolleksiyasına daxil olan nəfis holland və flamand sənət nümunələrinin atributsiyası məqsədilə, rəngkarlıq və qrafika fondlarında qorunub saxlanılan sənət nümunələrinə baxış keçirtmişlər. Bu səfərin nəticəsi olaraq CODART təşkilatı ilə yaradılan əməkdaşlıq uzun müddət davam edəcək və müvafiq sahədə əlaqələrin daha da genişləndirilməsində, təcrübə mübadiləsində mühüm rol oynayacaqdır.

 
 

Azərbaycan Milli İncəcəsənət Muzeyi və “ArtiShok”şirkəti təqdim edir

Muzeydə bütün yaş həddli uşaqlar üçün intellektual-əyləncəli “Art Yolka” şənlikləri.

Art-Yolka şənliyində uşaqlar  həmişəki şənliklərdən fərqli olaraq unikal bayram atmosferində peşəkar muzey əməkdaşlarının  və aktyorların müşayiəti ilə qədim tariximizin sehirli aləminə səyahət edəcək, muzeyin maraqlı eksponatları ilə tanış olacaq, rəssamlıq sənəti və məşhur rəssamlarımız haqqında geniş məlumat qazanacaqlar.

Eyni zamanda uşaqları şənliyin əyləncəsinə daha da rəng qatacaq bir-birindən maraqlı müsabiqələr, cizgi film personajlarının, nağıl qəhrəmanlarının əsrarəngiz çıxışları, hədiyyələr və sonda isə kinoseans gözləyir.

İlin ən intellektual Yeni il şənliyini keçirmək imkanını qaçırmayın!

Valideynlər üçün ayrıca gözləmə şəraiti yaradılacaqdır.

Tədbir 26-27-28-29 dekabr, 2014-cü il tarixlərində, saat 10:30;   13:00;   15:30 da başlayır.

Məlumat üçün telefonlar: (+ 99412) 492 50 19 (114;131)

Biletin qiyməti – 35 AZN

Biletləri əldə etmək üçün əlaqə:

Tel:    +994124085548

Mob:  +994552309277

 
 

CODART

CODART - holland və flamand incəsənəti kuratorlarının beynəlxalq təşkilatı olaraq, Amsterdam Ticarət Palatasının qeyri-kommersiya  təşkilatı kimi qeydiyyatdan keçmişdir.1998-ci ildən əsası qoyulmuş  Niderland, Belçika və Lüksemburqun keçmiş sənətkarlarının  incəsənəti sahəsində mühüm rol oyanır. Bu mühüm kuratorlar təşkilatı Şimali Avropa incəsənətinin kolleksiyası haqqında məlumat verməklə yanaşı, həmçinin qorunması üçün də məsulliyyət daşıyır.

2014-ci ilin  bu gününədək bu təşkilatın tərkibinə 53 ölkədən 703 kurator daxildir.

2014-cü ildən Azərbaycan Milli İncəsənət Muzeyi respublikada fəaliyyət göstərən muzeylər arasında ilk olaraq CODART təşkilatına üzv seçilmişdir.

Kolleksiyamıza daxil olan  Holland və Flamand sənət əsərlərinin atributsiyası məqsədilə, CODART təşkilatının rəhbəri və nümayəndələrinin muzeyimizə gəlişi gözlənilir.

 
 

Jurnal "Baku"

Rusiyada nəşr olunan, artıq bir çox Avropa ölkələrində və Amerikada tanınan nüfuzlu "Baku" jurnalının noyabr-dekabr 2014-cü il yeni buraxılışında Azərbaycan Milli İncəsənət Muzeyinin direktoru, professor Çingiz Fərzəliyev haqqında məqalə dərc olunmuşdur.

 
 

Cavad Cavadzadə və Ədilə Əhmədzadənin birgə konserti

Ü.Hacıbəyli adına Azərbaycan Dövlət Simfonik Orkestrinin artisti Cavad Cavadzadə (kontrabas) və Bakı Musiqi Akademiyasının konsertmeysteri Ədilə Əhmədzadənin (fortepiano) birgə konserti keçirilir. Artıq 5 ildir ki,birgə beynəlxalq musiqi festival və müsabiqələrdə iştirak edir,hər il Bakının müxtəlif musiqi salonlarında konsert proqramları ilə çıxış edirlər. Bu günlərdə Almaniyada keçirilən nüfuzlu konkurslardan biri "İ.M.Şperger adına Beynəlxalq kontrabassçılar müsabiqə"sində iştirak etmişlər. Konsert 11 oktyabr 2014-ci il tarixində, saat 19:30-da Azərbaycan Milli İncəsənət Muzeyinin Niyazi küçəsi 11 ünvanında yerləşən binasında keçirilir. Qeyd edək ki,bu onların İncəsənət Muzeyində keçirilən ilk konsertləri deyil.

 
 

Yuri Qaqarin və Mixail Lermontovun ailə üzvləri Azərbaycan Milli İncəsənət muzeyində görüş keçirdilər

3 oktyabr 2014-cü il tarixində IV Bakı Beynəlxalq Humanitar Formunun iştirakçıları “Moskva-Kremli” Dövlət Qoruq-Muzeyinin direktoru, ilk kosmonavt Yuri Qaqarinin qızı Yelena Yuriyevna Qaqarina, onun həyat yoldaşı “Moskva-Kremli”nin bərpa şöbəsinin müdiri Vladimir Vıçujanin, “Serednikovo” malikanəsinin direktoru, Mixail Yuryeviç Lermontov nəslinin nümayəndəsi Yelena Vladimirovna Lermontova və Azərbaycanın Rusiyadakı səfirliyinin humanitar məsələlər üzrə müşaviri Nigar Axundova Azərbaycan Milli İncəsənət Muzeyinin qonağı olmuşlar.
Görüşdə Azərbaycan Milli İncəsənət Muzeyinin direktoru Çingiz Fərzəliyev və muzeyin əməkdaşları iştirak etmişdir. Görüş əsnasında Azərbaycan Milli İncəsənət Muzeyi ilə “Moskva-Kremli” Dövlət Qoruq-Muzeyi arasında gələcək əməkdaşlıq əlaqələrindən söhbət açılmışdır.
Sonda qonaqlar muzeyin ekspozisiyası ilə tanış olmuşlar.

Foto: Ələkbər Ağasiyev

 
 

“Əsrin müqaviləsi”nin imzalanmasının 20 ili və "Socar plus" jurnalının növbəti sayının təqdim etmə mərasimi

“Əsrin müqaviləsi”nin imzalanmasının 20 ili və  "Socar plus" jurnalının növbəti sayının təqdim etmə mərasimi.

Foto: Ələkbər Ağasiyev

 
 

Əsədova Xədicə Vəli qızı - Azərbaycan Respublikası Mədəniyyət və Turizm Nazirinin əmri ilə 28 avqust 2014-cü il tarixindən Azərbaycan Milli İncəsənət Muzeyinə elmi işlər üzrə direktor müavini vəzifəsinə təyin edilmişdir.

Əsədova Xədicə Vəli qızı - Azərbaycan Respublikası Mədəniyyət və Turizm Nazirinin əmri ilə 28 avqust 2014-cü il tarixindən  Azərbaycan Milli İncəsənət Muzeyinə elmi işlər üzrə direktor müavini vəzifəsinə təyin edilmişdir.

 
 

Səhifə 8 > 14-dəan