Tədbirlər

Atis Bankas konserti

17 mart 2011 saat 19:00-da R. Mustafayev adına Azərbaycan Dövlət İncəsənət Muzeyinin zalında Kanada, Rusiya və Azərbaycandan olan tanınmış musiqiçilərin konserti keçiriləcək. Konsertdə Niaqara Beynəlxalq Musiqi Festivalının bədii rəhbəri, Toronto Kral Konservatoriyasının professoru, Beynəlxalq müsabiqələr laureatı Atis Bankas (violin), Moskva Konservatoriyasının professoru, Beynəlxalq müsabiqələr laureatı Nina Koqan (fortepiano), Azərbaycanın əməkdar artisti, Niaqara Beynəlxalq Musiqi Festivalının əməkdar artisti, İpək Yolu və Niaqara Beynəlxalq Musiqi Festivalı kamera orkestrinin baş dirijoru İsmayıl Hacıyev, SSRİ və Azərbaycanın xalq artistləri Fidan və Xuraman Qasımovalar (vokal), Azərbaycanın əməkdar artisti, professor Yeganə Axundova (fortepiano) iştirak edəcək.

Konsertin proqramına Avropa və Azərbaycan klassiklərinin əsərləri daxil edilmişdir. Bundan əlavə Azərbaycan milli muğamları royal və skripkada da ifa olunacaq.

Gecəni Azərbaycan Bəstəkarlar İttifaqının sədri Lalə Hüseynova açacaq.

 
 

18 may aciq qapi

R. Mustafayev adına Azərbaycan Dövlət İncəsənət muzeyi digər muzeylər kimi “Beynəlxalq Muzeylər günü”nə qatılır. 1977-ci ildə 18 may “Beynəlxalq muzeylər günü” təsis olunub, 1978-ci ildən etibarən bu gün qeyd olunmağa başlanıb. 18 may hər il mütəmadi olaraq bütün muzeylərdə “Açıq qapı” günü elan olunmuşdur.

“Açıq qapı” günündə muzeyə gələn qonaqlar, tələblər, məktəblilər, qulluqçular üçün ümumi  və tematik ekskursiyalar, müxtəlif mövzulu diskusiyalar  keçirilir.

Bu gün kollektiv şəkildə gələnlər bərabər çoxsaylı fərdi gəlişlər  də olmuşdur.

Ardını oxu...

 
 

“Muzeylər gecəsi” aksiya çərçivəsində Bakı musiqi məktəblərinin şagirdlərinin konserti

Fransa Respublikası Mədəniyyət və Kommunikasiya Nazirliyinin təşəbbüsü ilə 2001-ci ildən Avropanın 39 ölkəsinin qatıldığı “Muzeylər baharı” adlı aksiya keçirilir. 2002-ci ildən Azərbaycanın da qoşulmuş olduğu bu aksiyanın adı 2005-ci  “Muzeylər gecəsi”  ilə əvəz olunmuşdur. 14 may hər il mütəmadi olaraq bütün muzeylərdə “açıq qapı” günü elan olunmuşdur.

R. Mustafayev adına Azərbaycan Dövlət İncəsənət muzeyi hər il 14 may  “Muzeylər gecəsi” günü tamaşaçıları müxtəlif tədbir və sərgilərlə qarşılayır.

Ardını oxu...

 
 

“İpək yolu” proyekti çərçivəsində “Rikoşet” kvartetinin konserti

Azərbaycan Bəstəkarlar İttifaqının təşəbüsü ilə R. Mustafayev adına Azərbaycan Dövlət İncəsənət Muzeyində “İpək Yolu” II Beynəlxalq Musiqi Festivalının proqramı çərçivəsində Ukraynanın “Rikoşet” simli kvartetinin xarici və Azərbaycan bəstəkarlarının əsərlərindən ibarət konserti keçirilir.

“Rikoşet” simli kvarteti 1999-cu ildə Ukrayna Bəstəkarlar İttifaqının nəznində təsis olunmuşdur. Kvartetin tərkibinə fleyta, klarnet, violin, violonçel daxildir. Müasir bəstəkarların yaradıcılıq nümunələrini təbliğ etmək məqsədilə yaradılan ansamblın repertuarına yerli və xarici ölkə bəstəkarlarının kamera əsərləri daxildir.

Ardını oxu...

 
 

“Buta” birliyinin təşəbbüsü və Belçika səfirliyi

“Buta” birliyinin təşəbbüsü və Belçika səfirliyinin təşkilatçılığı Azərbaycan Milli İncəsənət Muzeyində 21 oktyabr 2011-ci il tarixində caz konserti keçirilmişdir.
Konsertdə Belçika musiqiçiləri ilə bərabər dünya şöhrətli Azərbaycan  pianoçusu Əminə Fiqarova və onun qrupu rəngarəng musiqi nömrələri çıxış etmişlər.
Konsert Azərbaycan Milli İncəsənət Muzeyinin Niyazi 11, ünvanında saat 19.00-da başlanır.

 
 

Əməkdar incəsənət xadimi Elmira Abbasovanın xatirəsinə həsr olunmuş konsert.

Azərbaycan  Respublikası Mədəniyyət və Turizm Nazirliyi, Üzeyir Hacıbəyli adına Bakı Musiqi Akademiyası və Azərbaycan Milli İncəsənət Muzeyinin birgə təşəbbüsü ilə Azərbaycanın Əməkdar incəsənət xadimi, professor Elmira Abbasovanın anadan olmasının 80 illiyinə həsr olunmuş gecə keçirilir. 
GecədəAkademiyanın professor və müəllim heyəti konsert proqramı ilə çıxış edəcəkdir.

Görkəmli musiqişünas alim, ictimai xadim, Əməkdar incəsənət xadimi, professor Elmira Abasova 1932-ci ildə Bakı şəhərində anadan olmuşdur.

Ardını oxu...

 
 

Aytəkin Həsənovanın xatirəsinə həsr olunmuş anım gecəsi.

Bakı Musiqi Akademiyasının təşəbbüsü ilə Azərbaycan Milli İncəsənət Muzeyində Azərbaycan Dövlət Mədəniyyət və İncəsənət Universitetinin Tədris Teatrında istedadlı pedaqoq və peşəkar pianoçu, Azərbaycan Dövlət Mədəniyyət və İncəsənət Universitetinin Musiqi fənləri və dirijorluq kafedrasının müdiri, Bakı Musiqi Akademiyasının professoru, sənətşünaslıq elmləri namizədi Aytəkin Həsənovanın xatirəsinə həsr olunmuş anım gecəsi keçirilir.

Ardını oxu...

 
 

Dahi Azərbaycan bəstəkarı Qara Qarayevin 95 illik yubileyinə həsr olunmuş müəllif konserti (Əməkdar incəsənət xadimləri Vasif və Ceyhun Allahverdiyevlər).

Azərbaycan Milli İncəsənət Muzeyində Bakı Musiqi Akademiyasının dəstəyi ilə dahi Azərbaycan bəstəkarı Qara Qarayevin 95 illik yubileyinə həsr olunmuş, bəstəkarlar Vasif  Allahverdiyev və Ceyhun Allahverdiyevin müəllif konserti keçirilir.
Vasif Allahverdiyev 1992-ci ildə Ü. Hacıbəyov adına Azərbaycan Dövlət Koservatoriyasını bəstəkarlıq ixtisası üzrə (prof. İsmayıl Hacıbəyovun sinfi), 1994-cü ildə isə tar ixtisası üzrə (dos. A. Novruzovun sinfi) bitirib. Simfonik orkestr üçün “Atatürk” simfoniyası, “Heydər Əliyev-Ömür yolu” simfonik poeması, səs və kamera orkestri üçün “Sənsizlik” elegiyası (Heydər Əliyevin xatirəsinə ithaf olunub), xalq çalğı alətləri orkestri üçün “Cəngi sədası”; solo tar üçün “Qarabağ balladası” (Ü. Hacıbəyova həsr edilib), ağac nəfəsli kvartet və nağara üçün “Muğamsayağı”, xalq mahnı və təsniflərinin səs, milli musiqi alətləri və kamera orkestri üçün işləmələrin müəllifidir.

Ardını oxu...

 
 

Səhifə 13 > 14-dəan